مع الشباب ويوميات طالب في الغربة..بقلم.. / خالد عاطف

 


بقلم /  خالد عاطف

طالب مغترب في ايطاليا

مقدمة
اى مسار للنجاح نستطيع تمثيله بخط ابيض , كل خيط ابيض لابد وان ينتهى بنقطة سوداء على الاقل , ما بالك بحزمة خيوط بيضاء كم خطا قاتما سوف تسطر , المنطق يرجح الممحاة لمحو الاسوداد و الفطرة ترجح التأقلم ولكن الذكاء .. الذكاء يستطيع تحويل كل هذا الظلام المنبعث من خطوط الفشل الى ألون الطيف المشرقة !     خالد عاطف
يختلف كلاً منا فى تعريف الذكاء ...
تحذير: لم اقل حدودك العقلية بل قلت تعريفك للمفهوم فمثلا كلا منا لديه قرنية بدقة 576 ميجا بكسل , ارى اندهاشك فى تلك اللحظة اللتى ربما قد فكرت لوهلة ان تبتاع واحدة من تلك اللتى فى الاسواق اليوم و خالقك قد وهبك الطبيعية بتلك الدقة اللتى لا تسمح لك بتعريف الاشياء و التقاط الصور بسرعة خيالية فقط بل تسمح لك بما هو اسمى من معنى كلمة صورة , تسمح لك بتوسيع منظورك فى تلك اللحظة لترى و تبنى مستقبلك على اساس ذلك المنظور , من منا لا يحلم اليوم الكل يحلم اى ان كان اما بالغدو شيئا فى المستقبل او بامتلاك الكثير والكثير من المال اما باثبات نجاحه للاخرين الخ ..
ولكن هنالك ما هو اصعب من الحلم من وجهتى , هناك تلك الدرجة اللتى تكمن قوتها فى تحقيق حلمك , تلك الدرجة التى تقع عائق بين حلمك و تحقيقه واليوم سنتناول كيف تستبدل تلك الدرجة بمصعد كهربائى لتسهل على نفسك كل عوائق تحقيق حلمك . .. .. ..
ا
*الفشل :  الفشل كلمة كلنا عرفينها , كل واحد فيكم قابلها من شوية او انبارح او من كتير , الفشل يعتبر اول طريقك للنجاح ودا الكلام اللتى بيتقال دايما , بس مش كل اللى بيتقال صح , الفشل بيفيدك بس انك متقبلوش تانى فى نفس الموقف بمعنى تتعلم من فشلك و دا ممكن يساعدك قدام شوية , طيب اعمل ايه منا اكيد لازم افشل !!  منتا لو حطيت فى دماغك انك هتفشل لازم هتفشل لكن لو عملت العكس , الفشل لما يجى بعدها مش هتحس بيه  )نظرية( .مهم اوى انك تخرج الفاشلين من حياتك لان اغلبهم بيبقى خلية مسرطنة .
صاحبك والجدعنة : فى لحظة كدا لما هتيجى تتعمق فى كتالوج حياتك هتلاقى مفترق طريق بين , ان ربنا هيديك على اد مبتساعد الناس , و دارى على شمعتك تقيد و الحسد ,,الخ . الحل : انك متسعدش حد الا لما تكون واخد كفايتك من الحاجة اللى هتديها علشان هتلاقى فى طريقك اشكال والون كتير اوى فيه منهم اللى بيستغل نجاحك كام سلمة يطلع عليها و فيه منهم اللى هيلعب باحباطك و اكتئابك ومشاعرك علشان يوصل و فى الحالتين انت الخسران , نيجى بقا لكلمة جدع ! يعنى ايه جدع ؟ بالاختصار كلمة بنقولها فى سننا دا وقت الاستفادة وبس ,  .
وفيه فرق بين الشهامة والجدعنة , خلى بالك انت فطرتك وبراءة سنك اللى انت فيه بتفرض عليك تعمل حاجات طايشة او غير عقلانية و الشهامة بترجح العقلانية معظم الاوقات اذا سنك دا من سن جدعة أوبس   سن شهامة  .
اكيد لا كلامك غلط احنا بنشوف حاجات غير كدا خالص ؟
كل قاعدة وليها شواذها .. الجدعنة انك تحقق هدفك و يكون الهدف فيه نسبة افادة للبشرية .
اليأس و الاكتئاب : هتمر بيك لحظات كدا ملهاش تعريف او لسا موصلتش لدرجة الفشل بس انت حاسه , اللحظات دى انت اللى بتسميها يأس و اكتئاب هتلاقى نفسك بتبص فى المراية كتير ممكن كام دمعة تنزل , هتقطع كام ورقة , مش لاقى رد من اهلك , حاسس ان ربنا مش جمبك  وانت بتعمل اللى عليك  و فيه ناس بتعمل ربعه وبتاخد اكتر ... الخ
فاكر الخط الابيض اللى فى الاول انت بقا وصلت للنقطة السودة .
اوعى فى لحظة من اللحظات دى تتخذ قرار غير انك ترجع لربنا و تعيط لغيره , علشان محدش هينفعك غيره سبحانه و تعالى , بعد كدا تفكر كويس انت لسا معملتش ايه يتعمل , مش هما عملوا ايه ... خليك انت نفسك متبقاش اللى هما عايزين يشوفوه هتتخطى النقطة السودة و تبتدى مستوى جديد بخط ابيض جديد ...... يتبع .......