الي أصحاب الشركات العقارية بالعاصمة الجديدة وباقي المدن الجديدة....
بقلم /عصام فتح الله
ايطاليا
عفوا .. مشاريعكم جميلة ولكن ليست للمغتربين ولا عموم المصريين..
وجود عاصمة إدارية جديدة. بالشكل دة طبعا شيء جميل ولكن سيزال الفرق بينها وبين مصر القديمة هو نفس الفرق بين دبي والقاهرة الفاطمية والخديوية وطبعا المهتمين بالسياحة فاهمين قصدي .
المهم أن كتير من الشركات العقارية في العاصمة الجديدة وبعض المدن الجديدة الأخري ليحصلوا علي ارقام هواتفنا بالخارج وبيتصلوا فون او عن طريق الواتس لتسويق عقاراتهم ،
وللاسف واضح أن حد فهمهم الموضوع غلط زي باقي الحكومة مافهمينه وهو أن المغترب عنده فلوس كتير ومش عارف يوديها فين وان اخر الشهر بيتبقي من المرتب بعد المعيشة الآدمية عشرات اليوروهات .
للاسف اسعار الشقق في المدن الجديدة باهظة الثمن بشكل مبالغ فيه ومندوبي الشركات العقارية بيتكلموا معانا بالملايين عادي جدا !!!!!!!
يا سادة يا افراد الحكومة المصرية وياسادة يا أصحاب الشركات العقارية والله المغتربين أحوالهم عادية جداا وبيكملوا الشهر بالعافية برضه ولو اتبقي معاهم بعض المال بينزلوا يتفسحوا بيه في بلدهم كل سنة واللي اسعار الفسحة فيها أصبحت اغلي من أوروبا والله !!!!!!!
للاسف اسعار شقق المدن الجديدة في مصر يضاهي ويمكن اغلي من اسعار الشقق التمليك في ايطاليا نفسها دي حاجة ، والاهم أن المغترب بينزل بلده اسبوعين او شهر كل سنة أو سنتين وبيكون بالفعل عنده سكنه القديم أو لو شباب جديد فبيختاروا أنهم يسكتوا بجوار اهاليهم في القري وباقي المحافظات ، يعني لو هايشتري مكان جديد لازم يكون بسعر لقطة وتقسيطه يتماشي مع مدخراته العادية في الخارج واللي غالبا بتكون قليلة جدا وان كنا بالخارج نظهر يشكل مرفه ونزيه فهذا ليس لأننا أغنياء ولكن الحياه والاسعار من حولنا وتماشي الأسعار مع الرواتب بيخلينا نظهر بالشكل دة عادي وطبيعي لأن دي هي سمة الحياه من حولنا ، فنحن والحمد لله لا نتاجر بالبشر ولا بالمخدرات ولا باهجرة الغير شرعية ولا باسم الوطنية وتحيا مصر ولا بنعيش عشرين فرد في شقة مشتركة ولا عندنا بيوت بتدار لل...........!!!!!!
دة حالنا بالخارج فياتري الاسعار للشباب في داخل مصر ايه ؟؟؟
للاسف ومع حبي لبلدي أو يمعني أدق لأرض واسم بلدي ولاهلنا في مصر ، لو الاسعار استمرت بالشكل دة ولو الفكر العقيم في التسويق ودراسة المنظومة العامة للأسعار استمرت بالشكل دة ، اري اننا سننزلق في تضخم عقاري وحالة من
الكساد العقاري ستؤثر علي مصر كلها
بشكل سلبي !!!!!!!!!!.
في حاجة غلط .
استخدم رمز "التعديل" لتثبيت المقاطع أو إضافتها أو حذفها.
عصام فتح الله
ليست هناك تعليقات:
إرسال تعليق